قراءة الأفكار
في القصص والرويات وافلام الفنتازيا دايما بنشوف بطل خارق عنده موهبه خارقه
بيبقى عنده موهبه قراءة الأفكار بل وكمان ممكن يسيطر عليها ويوجهها زي ما هو عايزه" الي قرأ سقطري الجزء الخامس من ممكله البلاغه كان واحد من ابناء خندريس"طرخون" عنده الموهبه دي والي انتقلت ل سليمان"
وهنا بقا نبدأ نتسائل هل قراءة الافكار دي حقيقه بالفعل ولا
وعشان نتكلم عن قراءة الافكار لازم نعرف ازاي دماغنا بتفكر اصلا
وطبعا كلنا عارفين ان احنا بنستخدم المخ في التفكير وبيساعده القدره الزهنيه الي هي العقل
بيبدأ الدماغ بالملاحظه والي بيتم عن طريق العين اوطريقة تانيه بيبدأ بقا الدماغ يحلل المعلومات دي ويستنتج منها معلومات تاني جديدة ويخزنها في حاجه اسمها الوصلات العصبيه!
ودا كله بيتم عن طريق العقل الواعي بس بتد تحليل المعلومات واستنتاجها بتيجي مرحله الربط
اي هي مرحله الربط بقاا أن الانسان بيربط احداث بعيده جدا عن بعضها عشان يطلع في الاخر فكره جديده او يقعد يجلد في نفسه لما يقعد يربط احداث حصلت معاه في اليوم ودماغه تسوحه وتربطها على مزاجها فا ساعتها هتركب اول زوحليقه للأكتئاب بسبب دماغك الي مسوحاك
نكمل
وكل الحجات دي بتم بالعقل الا واعي اي العقل اللا واعي
وبعد ما دوشتكو بأزاي الدماغ بتفكر ندخل بقا على قراءة الافكار نفسها
هل في حاجه اسمها قراءة افكار؟
أة، وقبل ما تتخانق اسمعني للآخر
في قراءة افكار بس مش بصورة دقيقه يعني مش مجرد ما ابصلك اعرف أنت بتفكر في أيه انا مش اسبايدر مان يعني
ولكن ممكن أعرف بالتقريب أنت بتفكر في أيه ودا ليه شروطه طبعا ودا بيسمى الدقة التعاطفية
لازم تكون معاشر الشخص دا كويس جدا وفاهمه بل ومركز معاه يعني طريقه كلامه والكلام الي بيقوله حركته وهو بيتكلم والي هي لغة الجسد
وبالطريقة دي نوعًا ما هتقدر تفهم الشخص الي قدامك بيفكر في ايه سيكا🤏
بس أنك تقرأ افكار شخص عمرك ما اتعاملت معاه والحجات الي بنشوفها في افلام ورويات الخيال العلمي
مستحيل وعمرها ما حصلت
في دراسة اتعملت في جامعة كوينز الكندية بتقول أن الشخص العادي بيمر على زهنه حوالي 6200 فكرة يوميًا! وأنت بتستخدم فكرة واحده منهم👍
وفي الدراسة دي استعانه بالرنين المغناطيسي وقدرو يحددو عدد الافكار نوعًا ما الا أنهم برضو مقدروش يعرفو اي محتواها
عدد الافكار دي تم حسابها بحاجه اسمها الديدان الفكرية
اي بقا الديدان الفكرية دي؟
بتبقى عبارة عن مجموعة من النقاط جمب بعض بتظهر في الدماغ البشري لما بينتقل مابين فكرة وفكرة تانيه
لما يقعد يفكر يعني
الرنين المغناطيسي دا مكنتش أول مره تحاول فيها العلماء تعمل حاجه زي كدا عشان يحددو الانسان بيفكر في أيه!
المتخصصين في علم الاعصاب عملو تصوير دماغ بالرانين المغناطيسي غي محاوله لمعرفه الافكار الي بدور في دماغ الشخص
والمختلف في التجربة دي أنهم حاولو يتستخدمو التعلم الألي عشان يحللو الانماط المعقدة للنشاط الي بيقوم بيه الانسان لما ييجي يفكر في كلمه معينه جمله معينه يفكر في اي حاجه في العموم بس وحتى بعد التجربة دي مقدروش يوصلو الانسان بيفكر في ايه برضو بس قدرو بصفه عامه يحددو مشاعر الانسان دا هل حزين هل مبسوط كدا
هتسألني دلوقتي هما عرفو برضو دا منين
هما قدرو يوصلو لدا لما شافو طريقه استجابه دماغ الانسان لما يشوف كلمات معينه زي الموت الفرح الحزن
ومتقوليش طبيعي اي انسان هيحس مثلا بضيق لما يشوف كلمه الموت فا دا كله ملوش لازمه لا في ناس بتفرح لما تشوف كلمه الموت طبيعه الانسان مختلفة
وأيضا من طرق قرأه الأفكار الوعي الحسي
وده احد أنواع الإدراك الحسي الموجودة عند الإنسان التي يقدر من خلاله تحديد رد الفعل للشخص الذي أمامة وطريقة تفكيره
ويعتبرها علماء النفس طريقه من طرق قرأه الأفكار 🤔
ويترتب على هذة العملية لغة الجسد و نبرة الصوت
فمثلاً نستطيع قرأة الأفكار من خلال:
-التركيز على الأيماءات وتعابير الوجه المختلفة وبالتحديد العين لأنها تساعد الفرد على فهم الشخص وتعبيره عن مشاعره
تساعد على معرفة مشاعر الشخص الذي أمامك وتوقع ردود أفعالة ومعرفة أحتياجتة🧚
ولقرأة الأفكار اخترع العلماء عده أجهزة مثل:جهاز كشف الكذب ولكن لم يتوصلو أيضا إلى معرفة شاملة لتفكير الإنسان
"قرأة الأفكار ربما ليس بالشيء الجيد فمن الممكن أن تكون محنة للشخص الذي يمتلكها"
بقلم/نادين عِصام
دمتُم بخير أحبائي في الله
يا جميل ألطاف الله💙💙💙
ردحذف