الليل ...
ودقة الساعات تصحي الليل
وحرقة الآهات في عز الليل
وقسوة التنهيد والوحدة والتسهيد
لسه ما همش بعيد
وعايزنا نرجع زي زمان
قول للزمان ارجع يا زمان"
-آصال: قاعدة البلكونه بعد الساعه الساعه ٨:٣٠ دي ممتعه جدا، وخصوصا لو مع كوباية شاي بالنعناع تقدر تحل بيها كل مشاكلك؛ شايف الروقان.
-يحي: انا عن نفسي شايف أن دي احسن حاجه في الدنيا؛ بسمع للست وشايف القمر قدامي، بتشربي شاي وأنا بشرب من عينيكي .
-آصال:هو أنا قولتللك قبل كده أنا بحبك أد أيه؟
-يحي:مش محتاجه تقولي حاجه فاهم عنيكي اللي قلبي أتعلق بيهم من أول ما شافك أنا عايش عشان انتي في حياتي.
رجعت تاني من شرودي على صوت يونس اللي متعود يخضني كل مرة
-يونس:الجميل سرحان في أية؟
-آصال: مقدرتش أنساة طول عمره في بالي حتى في أحلامي مفارقنيش كل يوم بصحي أشوف الفون على أمل أنه يكون بعتلي وكل حاجه ترجع زي الأول بس مبلاقيش حاجه تعبت والله من الفراق علطول يشوفه في أحلامي بس كله في الاخر بيطلع اوهام أوهام في عقلي أنا بس
-يونس: برده لسة بتفكري في يحي؟
-آصال: اكيد هيرجع يا يونس
حطت ايديها على بطنها وابتسمت ابتسامه باهته؛ لسه فيه أمل
يونس: مش ناويه تعرفيه يا آصال؛ ذنبه إي الطفل اللي ف بطنك دا
-آصال: لا مش هيحصل كفايه أنه سبني وقت منا محتاجه أنا مش فاهمه أزاي قدر يعمل كان بيقول أني كل حياته فين كلامه ؟فين وعودة أننا هنكمل حياتنا سوا؟
قام يونس وسابني وحدي لأفكاري اللي قطعها صوت أم كلثوم " فات المعاد"
و فعلا لسه بيحبني هيرجع لوحده وقلبه هيجبة
رجع يونس وكأنه بيفتكر شئ مهم" آصال صحيح متنسيش بكرا هنخرج ومش عايز اعتراض"
تاني يوم يونس وآصال في كافيه ف وسط البلد:
-آصال في نفسها: أنا حاسه اني جيت المكان دا قبل حاسه ان فيه ذكريات مؤلمة!
أول ما دخلت من الباب لقت يحى ف وشها ؛ معقول بعد الشهور دي كلها الاقيك هنا؟!.
آصال: انت عرفت مكاني ازاي؟!
-يحى : طول الوقت دا مقدرتش انساكي، كنت بفكر فيكي على طول، صورتك ف خيالي مفارقتنيش كنت خايف لما اموت تكرهيني ؛ خوفت مرضي اللي دريته عنك يسرقني منك ، بس ربنا كريم اداني فرصة تانيه عشان ارجع اشوفك واقف قدامك دلوقت آصال أنا بحبك ومقدرش أعيش من غيرك.
في الوقت دا ردت عليه بكل حب ودموعها بدأت تنزل : مقدرش مدكش فرصة تانيه أنا بحبك وكنت عارفه أن قلبك هيرجعك ليا وهنكمل مشورنا اللي بدأناه سوا ومعانا طفلنا
يحي: دمتِ لقلبي حتى نشيب سويآ
بقلمي:-نادين عصام
