حوار مع الكاتبة ندىٰ ياسر نورالدين
-الأسم:- ندىٰ ياسر نورالدين
-السن:- 20 سنة
-المحافظة:- الدقهلية
-بدأت كتابة من أمته؟
من حوالي 4 سنين
-أيه هي إنجازاتك؟
شاركت ف كتاب خواطر مجموعة اسمه "لور" هيكون في معرض الكتاب ف القاهرة واسكندرية 2022
نائب مؤسس في مبادرة غسق وبنجهز في كتاب ورقي للمباردة خواطر مجمعة وهنشارك بيه في المعرض، ونائب مؤسس كيان مسرح أقلام ، وحصلت علي العديد من الشهادات والتكريمات وشاركت في كيانات عديدة .
-مين أكتر حد كان بيدعمك؟
خالتي وأمي وأختي وأصدقائي وعائلتي كانوا دايمًا مصدر دعمِي الأول
أشتغلت أي حاجة في أي مؤسسة زي كيان أو جريدة أو أتعاونت مع مبادرة قبل كدا في أي حاجه؟
-مبادرة غسق، وكيان مسرح الاقلام .
-أخر حاجه كتبتها كانت أيه؟
كان اسكربيت صغير بعنوان ومرادي أنت .
- لو كنت كاتب كبير مشهور هتعمل أيه؟
امم مكنتش هتوقف ابدًا عن الكتابة بأي شكل من الأشكال، وهكون دايمًا متواجدة لأي حد، وهقدم نصائح وتوعيات للكُتاب الجُدد
-مين أمن بيك وبكتاباتك؟
لقيت الدعم مِن كل اصدقائي حقيقي يعني، وكانوا دايمًا بيشجعوني وبيدعمُوني ومنهم ندى وأميرة ورحمة .
-أيه خططك الجاية؟
إني اشارك بعمل فردِي رواية أو كتاب بإذن الله .
شايف نفسك فين بعد سنتين ككاتب؟
اتمني اني اكون ذو مكانة، وان كتاباتي توصل، وأكون شخص كويس دائمًا
-الكتابة بالنسبالك أيه؟ عملية استشفاء؟ هروب من الواقع؟ مواجهة مع الذات؟ أو مع الآخر؟
بدايتي ف الكتاب كانت هروب من الواقع، كنت بلاقي نفسي ف الكتابة، كنت دايمًا بهرب ليها، وبعدين اتخذتها سبيل للاستشفاء وإني احاول أتأقلم ع أي جرح سببلي أذى، وحاولت أبدأ حياتي من تاني بعد كذا انتكاسة حصلت ليَّا .
-ما هي صفات الكاتب الناجح من وجه نظرك؟
أن يكون عارف قدر كافي من المعلومات، ويكون طموح وميهتمش بأي انتقادات، ويكون مؤمن بنفسه وبأحلامه .
-ما هو الشيء الذي يُلهم قلمك عادة؟
اممم فضلت أفكر في السؤال دة شوية، وملقتش حاجة مناسبة أكتبها بس يمكن الحاجة اللي مخلياني أكمل ف الكتابة دلوقتي وجود شخص مخليني قادرة اشوف الدنيا بتضحك رغم كل شعور مؤذي انا مريت بيه، وجوده فارِق .
-الكتابة بالنسبالك هواية أم شيء أساسي؟
امم انا مبلاقيش نفسي غير ف الكتابة، ودايمًا بوثق أي تجربة بمر بيها، فالنسبالي بقت شيء اساسي ودايم .
-في رأيك... كيف يُمكن أن يتوفر للكاتب التوازن بين العزلة المُلهمة، وبين التفاعل والاحتكاك مع الطبيعة والحياة بشكل عام من جهة ومع الجمهور من جهة أُخرى من أجل الكتابة؟
رأيي إن كل كاتب لازم يكون ليه وقت لنفسه وقلمه وبس، وفي نفس الوقت يمارس حياته الطبيعية ويختلط بالناس، ومينعزلش انعزال تام .'
-في رأيك... ما نوع الدعم الذي يحتاجه الكاتب؟
إن حد يؤمن بيه دايمًا، وميحسش إنه قليل بأي شكل، محتاج حد يدعمُه .
-كلمة ختامية للقارئ؟
اقرأ دايمًا الحاجة اللي تفيدك في حياتك، واللي من خلالها تمشِي حياتك صح، واقرأ دايمًا اي حاجة إيجابية هتفرق جدًا
*** ______________________***
زورونا على قناة اليوتيوب 👇👇
https://youtube.com/channel/UC4JFhoLLZPQk8M97T4DMMmA