من بين تلاته مليار وشويه
بنات طويله وقصيره وهاديه وشقيه
السمرا والبيضه والشقرا وام عيون عسليه
واقف على شط حياتى وطلعتلى اجمل جنيه
بجد مش مصدق معقوله تكون هيا
نجوم سمايه وقمر لياليا
كل احلامى تفضلى جنبى
قلبى عندك وقلبك عندى
لو يوم زعلتك ف ده مش ذنبى
نفسي ماتبعدى عنى
طيفك موجود مفرحنى
صورتك فقلبى محفوره
لو العالم كلو جرحنى
كفايه بس انك موجوده
صوتك عمرى منسيتو
رناته ف ودنى محطوطه
عارف انك حساسه
وعمرك مكنتى مقموصه
وبتزعلى كتير منى
ومن كلامتى اللى مش مقصوده
تعالى نعيش شويه ايام
مع بعض هنكمل عمرنا
نعيش ف النور ومفيش ظلام
ولا فى دموع تزور خدنا
تعالى نحقق سوا الاحلام
ونجوم العشاق تعدنا
وهقولك كل الكلام
ويتزال عنا همنا
كأنى قلب وانتى صماماته
كأنى كره دم حمرا وانت الكبد ونيفروناته
كأنى طفل صغير ولما وصلك لف الكون ومجراته
فضائى طالع السما هيلف القمر وكل كويكباته
كأنى سمكه ف مركب بحار وانتى بنته اللطيفه اللى رجعتنى الميه
رجعتيلى حياتى وسنيني اللى جايه
انتى كل رمشى انتى نص جفن عنيا
يامستقبلى وحاضرى وماضيه
بحبك.........❤️
للشاعر /حسين محمد حسين.
دمتُم بخير أحبائي في الله🤍
