اسكريبت بعنوان "إحنا حاسين بيكِ" بقلم الكاتبة هاجر هاني✍️

 

《اسكريبت》.

- احنا حاسين بيكِ

= محدش فيكو حاسس بيا مهما أحكي ومهما هقول مش هتحسوا انتو معشتوش مكاني

- طب ما احنا كنا شباب و مرينا بكل الحاجات دي 

= مين قالكو انكو مريتوا بنفس حالتي انتو مش حاسين باللي حاسة بيه انتو تعرفوا يعني اي اكتئاب

- ولي تكتئبي م أنتي بتاكلي وبتشربي اهو 

= يعني أنتي شايفة اني باكل وبشرب يعني خلاص مش من حقي اني اضايق يعني، انا مش محتاجة في الدنيا دي غير اكل وشرب، مش هحتاج اي حاجة تانية في حياتي يبقا ازاي مريتوا بنفس مرحلتي وانتو آخدين الحياة علي انها اكل وشرب بس

- انتي عمرك ما اشتكيتي ولا اتكلمتي 

= اتكلم اقول أي وانتو مسألتونيش ولا حتي كلمتوني مرة 

- منا سألتك كتير وانتي بتقولي مفيش

= وتفتكري اني ممكن اتكلم في المرة اللي جيتي قولتيلي فيها اي البوز اللي ضرباه دا أي يعني هيضايقك انتي بتدلعي!!

- ادينا فيها اهو قولي فيكي أي

= أنا قولت انكو مش فاهميني مش بتيجي بالطريقة دي والله ما بالطريقة دي 

- هي دي كمان ليها طريقة ودي تبقي طريقتها اي ان شاء الله

= المفروض انك أمي المفروض إنك تكوني قريبة مني بس أقرب منك ازاي وانتي مش بتستحملي حتي إنك تشوفيني عمرك ما شجعتيني علي حاجة بعملها على طول معندكيش وقت ليا و مشاكلي بالنسبالك تافهة واني لازم استحمل عشان انتو استحملتوا اكتر من كدا وإني مش من حقي اتضايق او أحس بأي حاجة واني المفروض اكون فرحانة على طول عشان أنا بتدلع مش اكتر.. لازم تفهموا إن أنا بقيت محتاجة حجات مختلفة أنا في فترة واقعة فيها عاوزة اللي ياخد بإيدي ويقومني مش عاوزة اللي يقطمني علي كل حاجة بعملها 

- انتي عمالة بتلوميني انا ومقولتيش سبب زعلك او مضايقتك اصل محدش يزعل زعلتك دي غير لو حبت واحد وسابها

= أنتي ليه كل تفكيرك كدا انا بنتك وأنتي اللي مربياني والمفروض تكوني واثقة ف كدا.. ليه كل شوية بتفتحي المواضيع دي يعني أنتي بعد كل دا عاوزة تطلعيني اني مش كويسة.... انا بنتك  

- انا مقولتش كدا انا مش شايفة سبب مقنع مخليكي كدا 

= عشان مش حاسين بيا 

- نرجع نقول تاني مش حاسين بيكي و الدلع بتاعك دا انا قايمة احضر الاكل لأخوكي شكهو جعان بلا دلع بنات

*******************************

12:00 AM

صوت شهقاتها يعلو من داخل غرفتها و دموعها تنهار علي خديها كالشلال وجه شاحب تغطيه ملامح حزينة .. تقف في شباكها تنظر الي النجوم بداخل عقلها صراع من التفكير كلما ازداد ذلك الصراع علا صوت شهقاتها وازدادت دموعها التي لا تنتهي تحركت نحو سريرها لتلقي بجسدها اليه وتدفن وجهها في الوسادة .. ما الفائدة من كل هذا؟... أهذا سيحل تلك المشكلة؟ فما المشكلة من الاساس ؟!لا توجد مشكلة هي فقط فقدت رغبتها في الحياة بل انعدمت تماما ف لماذا كل ذلك لم يحدث شئ حقا !!

صوت طرق علي الباب مسحت دموعها والتفتت لتراه يدخل اليها وهو يبتسم ..تحاول اخفاء تلك الدموع التي ازادت بشده عندما رأته عينيها .

دخل واغلق الباب خلفه وجلس بجانبها علي سريرها ينظر الي ذلك الوجه الذي قد اهلكه البكاء .. انزلت عينيها من عليه و دموعها مازالت تتساقط بشده 

@ شهد بصيلي يا شهد انا عارف انك مضايقة ومش عاوز اعرف من اي انا جيتلك عشان نحل المشكلة سوا مقدرتش انام واسيب قلبي زعلان بصيلي يا شهد عيطي وانتي بتبصيلي

رفعت اعينيها وهي تتحدث بصوت خافت 

= سامح .. انا مش عارفة اقول اي

@ متقوليش يا شهد انا مش عاوزك تتكلمي 

سحبها اليه وضمها بين اضلعه وهو يكمل حديثه

@ عاوزك بس تعيطي في حضني أنا أمانك يا شهد انا أخوكي وأبوكي وسندك عاوزك تتطمني وانتي معايا وفي حضني

- سامح أنا متلغبطة أنا مش عارفة حاجة انا مش حاسة بأي حاجة الاكل مبقاش ليه طعم و مبقتش بحس بمتعة كل الحجات اللي كنت بحبها انا مبقتش عاوزة اعيش يا سامح 

@ ولما انتي مش عاوزة تعيشي انا هعيش لمين ... شهد انتي لازم تفهمي إني أخوكي يعني جمبك في كل وقت و لو الدنيا كلها سابتك أنا مش هسيبك انا ضهرك

- انا محدش حاسس بيا حتي انت مش عارف اي اللي جوايا مش حاسس ب إني مش عارفة أنا مضايقة من اي ولا اي مضايقني مش لاقية مشكلة أحلها عشان أخلص من اللي انا فيه 

 سامح انا مش حاسة ب حاجة بقيت حاسة نفسي مضغوطة و عاوزة اعيط ومش عاوزة اكل ولا اشرب ولا عاوزة اعمل اي حاجة غير إني أنام انا مهما اتكلمت مش هعرف اشرحلك انا حاسة ب إي بالظبط 

@ محدش هيحس بيكي بجد غير نفسك عاوزك بس تفضلي في حضني تعيطي عيطي لحد ما دموعك كلها تخلص مش هزهق منك ولا همل عشان انا سندك عيطي يا شهد .

#هاجر_هاني

     ꧁꧁꧁꧂꧂꧂

                 أتمنىٰ أن يكون أعجبكم💙

         لا تنسوا تعليق برأيكم فضلًا💙

            دمتُم بخير أحبائي في الله💙

     __________________

   زورونا على قناة اليوتيوب 👇👇

       https://youtube.com/channel/UC4JFhoLLZPQk8M97T4DMMmA