(القطيعة بين الاخوات)
سلوى /يوسف اصحى من النوم أختك جاءت
يوسف/بابتسامه بجد جاءت أنا قايملها أهو
سلوى/قوم قوم ماهي دي حبيبت القلب اللي تقوم عشانها
يوسف/أنت بتغيري من أختي، دي أختي وبعدين يتيمه وبابا موصيني عليها .
سلوى/هغير ليه،بس هي كل يوم هتيجي كده وأنا أجهز أكل واتعب واقف في المطبخ أنا زهقت من العيشه دي
يوسف/أولا هي مش بتيجي كل يوم هي بتيجي كل فتره علشان خاطر مامتي ثانيا أنت كده كده بتجهز عشانا فمتحطهاش بس في دماغك، دي بتحبك و بتعزك وبتحب الأولاد بلاش تخربي على بيتك بايدك بكلامك دا، وخلي بالك امي هتزعل لو سمعت الكلام دا .
سلوى/أنا مش حاطتها في دماغي وثانيا أنا مش بقول حاجه تزعل حد، أنا بقول حقيقه وواقع ثالثا بقى مامتك تزعل ليه ما أنا اللي واقفه في المطبخ فعلا، هو ليه اللي يقول كلمه حق اليومين دول تزعلو منه، رابعا والأهم أيه اللي يخرب بيتي بالكلام ده سبحان الله ع أمركم.
يوسف/أنا قايم من وشك على الصبح أنت عايزه تتخانقي وأنا مش فاضي لك انا هاروح أشوف أختي وأمي بيعملوا ايه أوعي من قدامي.
سلوى/أجري أجري عليهم قل لهم أنا كنت بقول أيه؟ ماهو كل حاجه بتعرفها لهم أول بأول دي مش عيشه دي، مفيش ولا سر بيني وبينك.
يوسف/ربنا يهديك لنفسك يا شيخه هي أختي عملت لك إيه بتيجي تفك مع مامتها شويه وتقعد وبتبقى جايبه لك حاجات أنت والاولاد كل ده عشان بتعملي لها أكله.
سلوى/الموضوع مش موضوع آكل، الموضوع أن كل يوم هي بتيجي وتقعد تتكلم هي ومامتك وتاخذ القعده وتبقى هي محور الكلام والبيت بيبقى في جو غريب كده يبقى حلو قوي وفرفوش كده، و لما بتغيب بيقعد يقولوا على أمتى وتيجي علشان البيت بيبقى وحش من غيرها، طب ما أنا موجوده ليه ما بيقولش عليَّا كده لما بغيب شويه وأروح عند أهلي هي أحسن مني في ايه ؟!.
يوسف بلطف/يا حبيبتي أنت متقرنيش نفسك بحد حتى أختي أنت لك مميزاتك وهي لها مميزاتها والبيت بيبقى ناقص كتير وأنت مش موجوده، كذلك البيت بيبقى ناقص كتير وهي مش موجوده عادي، يلا ما تزعليش نفسك أنا هابقى أتكلم مع أمي في الموضوع ده بعد ما أختي تمشي، تمام وياريت ما تفتحيش أي حوار فيه زعل الشويه اللي هتقعدهم وتمشي وما يبقاش في جو نكد في البيت،
صمت شويه
شكلها بتنادي أنا هنزل أنا،
وأنت جهزي نفسك وأنزلي ورايا وافردي وشك تمام يلا يا حبيبتي.
سلوى ف ضيقه/حاضر ي حبيبي
*يوسف ل مي أخته أهلا وسهلا ي ميمو وحشتيني أوي
مي/يا سلام يا سيي يوسف أخرت على ما نزلت تسلم عليَّا هو أنا ما وحشتكش يا أستاذ يوسف ولا المدام وأخذه كل وقتك
يوسف/ههههههههههه ضحكتني
لا وحشتيني يا عفريته! أنت أخبارك أيه؟ طمنيني عليك! وعلى جوزك واولادك؟ هتخرجوا المصيف الصيف ده؟
مي/إحنا كلنا بخير الحمد لله لا مش هنخرج مصيف عشان مشتركه للأولاد في تمرين وألعاب رياضيه هتاخذ وقتهم الصيف ده،
قولي فين سلوى القعده معاها وحشاني بنت الايه دي
يوسف سلوى جيه ورايا دلوقت بتجهز بس
اومال فين ماما ي مي؟!
مي/ماما طلعت ورا سلوى وهى بتناديك كانت جيه لكم
يوسف مع نفسه كدا/ياترى سمعت حاجه من كلام سلوى عن أختي والا لا؟!
مي/شردت ف أيه يسي يوسف
ف سيدت الحسن والجمال سلوى هانم الله يسلهك بقا وضحكوا سوا.
سلوى/أصوات الضحك دي مش بنسمعها اللي ومي موجوده في البيت، وضحكت يوسف مش بنشوفها مرسومه على وشه غير ومي موجوده، الله يسهل لك يا ست مي بتعرفي تضحكي يوسف، أنت داخله التاريخ من أوسع أبوابه.
مي/يوسف ده الشخص الوحيد اللي بشوفه مبتسم على طول يا سلوى لو مش بيضحك يبقى انتوا السبب .
صح والا لا ي يوسف؟
يوسف صامت بميل برأسه موافق اخته.
*سلوى بصوت سخريه مع نظرات ل يوسف /اه م إحنا السبب ف كل حاجه، عندك حق
*يوسف بعد فهمه ل نظرات سلوى/ يلا يا سلوى جهزي لنا الغدا، لقمه جميله من ايديك الحلوين على مقعد أنا ومي نتكلم شويه.
مي/ لا ي يوسف أنا هدخل المطبخ مع مي أجهز معاها الغدا من زمان معملتش لكم أكل
يوسف /لا أنت ضيفه وواجب اكرامك مش تعبك ي ست البنات
سلوى/اقعدي انت ي ست مي وأنا أخدمك عادي 😏.
مي/بعد مافهمت نيه سلوى من صوتها ونظراتها ل يوسف /لا هساعدك
*يوسف بعد إلحاح مي وافق أنها تدخل معاها المطبخ ويتشاركوا ف الطبخ
مي/هنطبخ ايه ي سلوى؟
سلوى/الي أقولك عليه اعمليه وخلاص، وانت ساكته، فاهماني، وبلاش دلعك دا.
مي/حاضر بس ايه اللهجه دي .
سلوى /مالها اللهجه، كمان أسلوبي مش عاجبك، مش ناقص غير كدا.
مي/أنا مقولتش كدا، أنت بتتعاملي معايا بطريقه غريبه ونظراتك ل يوسف بتقول حاجات، فيكي ايه ؟
احكي لي بوضح أحسن، وأنا هريحك.
سلوى/فيه أن كل يوم اطبخ وأصنف لك ول عيالك أنا تعبت
وبعد ما تمشوا نفضل نرتب البيت من بهدلت ولادك
أنت ايه مش واخده بالك، اني بتعب ومعايا ولاد زيك.
مي ف حزن/بساعدك ع اد م أقدر اساعد، وبصلح ع قد مقدر الحاجات اللي ولادي بيخربوها.
سلوى/أنت مجيك هنا كتر وأنا تعبت،
حابه تاجي اخدمي نفسك وقبل ما تروح ترجعي كل حاجه ف مكانها.
مي بعد فهمها ليه سلوى متغيره معاها بقاله كذا مره تنزل فيهم ل مامتها وليه يوسف بقى أحن من الأول عليها،/أنا آسفه يا سلوى لو مجيتي أنا والولاد مضايقاكي بس أنا باجي عشان مامتي وعشان أنت عارفه أن أبويا لسه متوفي من قريب وبنحاول أنا والاولاد نواسيها ونبقى جنبها، أنا مش هانزل لكم الفتره الجايه وبعتذر للمره الثانية،
على فكره أنا افتكرت مشوار مهم فمتجهزيش حاجة إحنا هنرجع تاني .
*مي صوتها كله كسره ودموع مليه عينيها ووجع مالي قلبها
وف نفسها بتقول يعزك يا بيت ابويا راح فين
*مامت يوسف سمعت حوارهم زي ما سمعت حوار يوسف وسلوى الصبح، دخلت عليهم خير ي بنات فيه ايه صوتكم عالي ليه .؟
سلوى أصل مي ماشيه وانا بمسك فيها.
مي/بالظبط كدا ي مامي أنا ماشيه افتكرت حاجه وهروح اعملها
مامتها/حاجه ايه ي مي
مي/حاجه وخلاص ي ماما، خلي بالك ع نفسك ي ماما عشان الفتره الجايه هتشغل ب تمارينات الولاد والنادي بتاعهم فمش هعرف انزلك ع طول ولكن هكلمك فيديو ع طول.
مامتها/تعالي ي مي عاوزاكي وأنت ي سلوى أبدأي جهز الأكل وانا هرجعلك .
سلوى/حاضر ي ماما
مامتها/مالك ي مي، مرات اخوكي قالت لك ايه كسرتك كدا وزعلتك، أنا شايفه الوجع ف عنيكي، احكي لي .
مي/ مفيش ي ماما أنا تعبانه وعاوزه ارجعبيتي أفتكرت حاجه.
مامتها/أنا سمعت حواركم زي ماسمعتها هى ويوسف بيتكلموا
سيبك منها دا بيت ابوكي ومفتوح لك ف اي وقت .
مي/انا مش عاوزه أكون سبب مشاكل بينها وبين أخويا
مش عاوزه ولاد أخويا يكرهوني أو تغير انطباعهم عني
أنا عاوزه أكون محبوبه من الكل ولو مجيي هنا هيزعلهم بلاش أجي، واوعديني ي أمي متقوليش ل يوسف حاجه
*يوسف واقف ع بعد قريب منهم وسمع بعض الكلام وشاف زعل أخته وسمع مواساتهم لبعض، وزعل جدا وفكر هيجل الموضوع ازاي وفجأة.......قرب منهم.
يوسف/ي ميمو شوفت جبت ايه لك الشكولا اللي بتحبها وبتخلصي فلوسك عليها
مي/متحرمش منك ي سندي بعد أبويا
وف صوت وجع مي سألت يوسف جبت ل سلوى .؟
يوسف /أنا أقدر أنسى ي سالوو سااالووو تعالي جبت لك حاجه حلوه.
سلوى/خير ي يوسف مالك وجبت ايه
يوسف/
جبت شوكولا لك، النوع اللي بتحبيه، هااا ايه رايك في جوزك……؟
سلوى/ربنا يباركلي فيك ويحفظك ليا يارب
يوسف/مي اللي كلمتني وقالت لي ع نوع الشوكولا اللي بتحبها أنا نسيت إسمها وقالت لي ع المكان اللي موجوده فيها ومش بس كدا، قالت. لي ع حاجات الولاد بيحبوها وخلتني اشتريها وولادنا فرحوا بيها.
مي مننا واحده بتحبنا من قلبها فعلا، وعاوزه مصلحتنا ومصلحة ولادنا. مي مش أختي ووصيه أبويا لا مي دي أختك أنت كمان وبتوصيني عليكي، ودائما تقولي كما تدين تدان ف دين حلو مع سلوى عشان جوزي يرده فيا، مش كل أخت جوز تبقى قرشانه والا كل حماه وحشه وقاسية والا كل ابن بار ب امه يبقى دلدول وابن أمه
ي سلوى ي حبيبتي وأم عيالي أفهمي دينك صح وملكيش دعوه بالناس والمجتمع والكلام ده .
إحنا بنحبك ومي اختي كمان بتحبك مي ملهاش اخوات بنات وأنت أختها هي بتعامل كدا ع هذا الأساس أنك أختها.
فتقبليها وتقبلي مجيها وحبيبها واتعاملي بقلبك معاها، بلاش تكرهيها ف بيت أبوها ف الحته اللي بتلاقي نفسها فيها .
**سلوى بعد ما فهمت هى اد ايه ظلمت مي واد ايه مشت ورا كلام فارغ وأن صوابعك مش زي بعضها فعلا .
سلوي /بعتذرلك ي مي ع سوء ظني تعالي هنا هاتي حضن، من هنا ورايح إحنا أخوات وبيت ابوكي دا تجيه أي وقت ومش بس كدا لا أي مكان راحتك فيه هى راحتي وآسفه ع دموعك ووجعك اللي اتسببت لك فيهم ؟!
مي وهى ف سعاده ملهاش وصف أن يوسف طلع اد وصيه أبوها وأنه بيراعي الأمانه اللي كلفه بيها وهي أمه واخته
حبيبتي ي سلوى الحمدلله أنك فهمتني صح وعرفتيني من جوا انا فعلا بتمنالك انت وجوزك وولادك الخير وبحبكم وعمري ما جيت هنا غلاسه أو رخامه دايما بجيلكم هربانه من وجع الدنيا وبتحامى فيكم م انتوا سندي فالدنيا بعد ربنا وابويا،
مامتهم/الحمدلله عرفت أربي ي يوسف، ربنا يجعلك ابن بار وزوج حنين ووأخ سند لأختك.
ربنا يباركلنا فيك ي يوسف يارب.
مي ف صوت حنين كله حب ونظراتها ل يوسف كلها حب ف حب/الأخ سند، والأخ ضهر وكنز لا يفنى، الاخ حياة واطمئنان،
وحينها تذكرت تلك الكلمات التي قرأتها عن الاخ والتي تقول
***❣️""الأخ كنز لا يفنى ولا مثيل له في الحياة ولآ يعوض آبدا ؛ الاخ هو السند الذي لآ يتخلى عنا مهما كانت الأسباب ؛ الأخ نعمة خلقها لنا الله سبحانه وتعالى لنكون في عون بعضنا البعض ☝️
الأخ سند وضهر و كاتم اسرار
الأخ هو الصديق وقت الضيق
والعون وقت الازمات والمشاكل
الأخ لاتحلو من دونه الحياة ولا نقوى على مواجهتها بدونه وتعجز الكلمات عن وصف مشاعر الاخوة 👈 ولكن يبقى الأخ هو المترجم لهذه المشاعر
بإختصار 👇
الأخ بيت وحياة وروح ومهرب وملجأ ، شاطئ حب وطمأنينة وحياة للحياة.
#اسكربيت_بقلم
#أسماءإبراهيم
꧁꧁꧁꧂꧂꧂
أتمنىٰ أن يكون أعجبكم💙
لا تنسوا تعليق برأيكم فضلًا💙
دمتُم بخير أحبائي في الله💙
__________________
زورونا على قناة اليوتيوب 👇👇
https://youtube.com/channel/UC4JFhoLLZPQk8M97T4DMMmA
