ولاء/ ازيك يا نهى عامله ايه
نهى /بخير
ولاء/ مالك يا نهى
نهى/انت عارفه احمد اخويا ماشي في طريق مش كويس
ولاء /يا لهوي مش كويس ازاي طمنيني
نهى /شفته كذا مره بيشرب سجاير في الحمام، وخايفه اقول لبابا ولا ماما، مش عارفه اعمل ايه ؟
ولاء/ ياخبر! وهعملي إيه؟
نهى/ العمل عمل ربنا ربنا يهديه.
ولاء/ياارب بس لازم ننصحه.
**وفجأة احمد أخو نهى دخل وهما اتخضوا وغيروا الموضوع وهو حس أنهم مش ع طبيعتهم**
أحمد/ازيك يا ولاء
ولاء/ بخير يا احمد
أحمد /مالك
ولاء/أنت اللي مالك كدا متغير .
أحمد /اه يبقى نهى قالت لك حاجه .
نهى/الله وأنا مالي يابقا، هو كل حاجه نهى، اه يامظلومه يا انا .
ولاء/ابتسمت وقالت له بص يا أحمد أحنا كلنا متربيين مع بعض وأنت زي اخويا الصغير ووجب عليا النصيحه .
أحمد قاطعها وقالها/اكيد طبعا وأنت عارفه إني بعزك وبحترمك
نهى/الله يسهلكم
ولاء/بابتسامه قالت له بلاش الطريق دا يا أحمد
أحمد/طريق إيه يا ولاء، خير؟
ولاء/طريق السجاير وتسقيط البنطلون والسلاسل اللي في رقبتك، انت مكنتش كدا.
أحمد/ هو شكلي مش عاجبك أوي كدا
ولاء /يابني بقولك سجاير لا، والطريق كله غلط بلاش.
نهى/بستعطاف
يا أحمد ولاء خايفه عليك، أسمع منها
أحمد/بضيقة
انا كبرت وبقيت راجل وعارف الصح من الغلط، وشكرا ع النصيحه.
ولاء بزعل/هقولك حاجه وخدها مني دينا الإسلامي قال ايه
(الجنة حفت بالمكاره والنار حفت بالشهوات علينا ننهي عن المنكر ونأمر بالمعروف كما أمرنا دينا واي مكان يشيع فيه الفساد ينزل الله عليهم العذاب)، فاحذر على نفسك وأهل بيتك،
**واستكملت ولاء حديثها وأحمد يسمع لها متعظًا**
قال النبي عليه الصلاة والسلام "إن الناس إذا رأوا المنكر فلم يغيروه أوشك أن يعمهم الله بعقابه"
**وأنهت ولاء حديثها فاهم يا أحمد**
أحمد/سرحان فالكلام/
ربنا يهدينا ياست الشيخه وضحك كتير، ومشي
نهى/أنت عملتي اللي عليكِ خلاص.
ولاء /ربنا يهديه ويهدي الجيل كله.
**بعد شهر وأحمد ع نفس الصحاب والاستيل من اللبس وشرب السجاير، وتغيير فالشكل والملامح **
أحمد/اه بطني مش قادر دماغي مش قادره اتحمل الحقوني
نهى/يا احمد فيك ايه؟
أحمد/اطلب الاسعاف بسرعه مش قادر دماغي هتتفرتك.
نهي وهي بتصرخ/يا ماما يا بابا الحقوا أحمد بسرعه الحقوه.
**باباها ومامتهم جو وطلبوا الاسعاف وراح أحمد المشفى **
الأب/خير يادكتور احمد ماله.
الدكتور/ابنك شرب جرعه مخدرات زياده.
الأب/حضرتك بتقولي اكيد غلطان.
الدكتور/التحاليل هي اللي بتقول.
**الام والأب ف حاله صدمة، نهى وولاء صاحبتها مفزوعين من اللي حصل، نهى حكت اللي كانت بتشوفه واللي تعرفه**
الدكتور/الحمد لله عدي وقت الخطر.
الاب/حمد لله على سلامتك يا أحمد
أحمد/آسف يا بابا ما كانش قصدي الصحبه السيئه هم السبب سامحني ،انا هتغير من هنا ورايح هيتغير.
نهى/سلامتك يا احمد
أحمد /بتآسفلك مسمعتش كلامك
وبتآسف لست الكل امي
مامته/اهم حاجه إنك بخير، أنا هخلي بالي منك أكتر من كدا ومش هغفل عنك.
ولاء /سلامات سلامات يا بطل.
أحمد وهو مكسوف من ولاء /
ياريتني سمعت كلامك مكنش حصل كل دا ياريت.
ولاء /لا عليك يا أحمد
ربنا بيقبل التوبه، توب لربنا من السم دا واستغفر له
(المغفرة دائما موجودة و رحمة الله وسعت كل شيء، لا تخلي ذنوبك عائق بينك و بين الله، ربنا يحب كل عباده و يكتب الخير لكل شخص في قلبه ذرة إيمان و توحيد و يقبل منه التوبة، لو ربنا يريدك خالي من الذنوب كشرط ليقبل دعائك؛ ما كان اختص بالكمال لذاته).
وكملت كلامها وقالت له
استغفر ربنا كتير اوي من السم دا كله وأبدأ من تاني، وقع وقوم وكما وعافر لغاية متكون إنسان سوي وجميل وصالح، ربنا ينفع بيك يارب.
أحمد/الله يا ولاء أنت جميلة اوي، انا سعيد بيكِ وبكلامك الجميل دا.
ولاء/أنت اخويا يا أحمد، ربنا يعلي قدرك
وهقولك حاجه آخيرة -:
عن الرسول عليه السلام يقول: قال الله تبارك وتعالى: (يا ابن آدم إنك ما دعوتني ورجوتني غفرت لك على ما كان فيك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة)♥️
أحمد ونهى ف صوت واحد/صدق رسول الله، الله ربنا جميل اوي.
الدكتور /أحمد محتاج فترة عشان يتخلص من السم اللي ف دمه ويرجع طبيعي
أحمد قاطعه وقاله/أنا اقوى من أي سم ومن اي صحبه أنا بحب ربنا أنا هتغير.
**تصفيق حار في غرفة احمد فالمشفى وتهليل وتكبير الحمد لله أحمد استوعب الدرس جيدًا
أحمد يريد طريق الله، ليت كل الشباب أحمد تدرك الدرس وتستوعبه، لعل فالبلاء النجاة،
هنيًا لأحمد رجوعه لله.
**وهنا دمعت عيون ولاء وقالت الحمدلله كثيرًا على منحه لنا هذه السعاده**
#اسكريبت
#انت أقوى من المخدرات
#أسماء_إبراهيم
꧁꧁꧁꧂꧂꧂
أتمنىٰ أن يكون أعجبكم💙
لا تنسوا تعليق برأيكم فضلًا💙
دمتُم بخير أحبائي في الله💙
__________________
زورونا على قناة اليوتيوب 👇👇
https://youtube.com/channel/UC4JFhoLLZPQk8M97T4DMMmA
