**في يوم من الايام بعد العصر**
#أسماء مع نفسها كدا بصوت مسموع لها/ أنا مقتنعة بالموضوع، وهتكلم مع بابا يارب يوافق يا رب.
أسماء/بابا أنا عايزه أخذ رايك في موضوع كدا.
بابا/نعم يا سمسم قولي عاوزه ايه؟!
أسماء/أنا قررت.....
بابا مقاطعًا مبتسمًا/ما شاء الله بنتنا كبرت وبقت تقرر قرارات قولي يا ستي سمكه.
أسماء/يا بابا استنى اهدا عليَّا، وبعدين أنا كبرت طبعا وألا أنت مش واخد بالك.
بابا /لا واخذ واخد، قولي خير ياحبيبتي، أنا سامعك.
أسماء/أنا عاوزه البس النقاب.
بابا/ما شاء الله، بس ده قرار صعب لأن أنت عارفه لو لبستيه مش هتقلعيه تاني، ففكري كويس.
أسماء/أنا فكرت واشتريته كمان.
بابا /انا ما عنديش اعتراض طالما شيء يفرحك، ربنا يثبتك عليه.
أسماء/بجد يا بابا أنا فرحانه قوي.
بابا/بجد يا سمسم أهم شيء الالتزام بيه.
أسماء بإبتسامه /طبعًا، ربنا يقدرني يارب وأكون عند حسن ظنك.
أسماء/هروح أفرح ماما وعمتو.
**أسماء ماشية وهي كلها سعادة أنها قدرت تحقق حلم حياتها، من صغرها وهي بتحب النقاب واللي بيلبسوا النقاب **
أسماء بتنادي/ماما يا مماتي ياست الكل ياحياتي وضحك وفرفشة فالصوت انت فيييين.
ماما مستغربة /أنا هنا يا أسماء يابنتي خير مالك.
أسماء/بابا وافق ياست الكل وافق مش مصدقة، هاتي بوسةجي بالمناسبة الحلوة دي.
ماما بسعادة وفرحة/بجد ماشاءالله بنتي كبرت وهتلبس النقاب، الله أكبر، ربنا يقدرك ويعينك، بس نلتزم بقا، واحلى بوسة لكتكوتي القمر.
أسماء /حاضر ياماما على أقد مقدر هلتزم، وربنا يهدينا.
**عمت أسماء موجودة ومش عاجبها الحوار كله، وشايفة النقاب مش فرض وإن أسماء صغيره**
أسماء لعمتها معاتبة/أية ياعمتو مفيش مبروك؟!.
عمتو/على إيه يا بنتي، ومالك فرحانة كدا، دا أنت هتوقفي حالك، ومفيش عرسان هتجيلك.
أسماء بإبتسامة بارده/ الجواز دا ياعمتو قسمة ونصيب، وإرادة ربنا فوق كل شيء، وأنا راضيه بحُكمه، بركيلي انت بس.
عمتو/هيكبرك النقاب دا ويبقى شكلك بايخ.
أسماء/بضحكه صفرا كده /
دا انا قمر ياعمتو، هو فيه قمر جماله بيتخبى، هههههه بهزر،
ياعمتو ياحبيبتي النقاب دا هيحافظ عليا وهيخبيني من عيون مجتمع فاسد وهيصوني زي الجوهرة الغاليه مش بنخبيها في علبه شيك كدا وغاليه من التراب اهو النقاب هيعمل كدا .
**واسترسلت أسماء في كلامها عن النقاب**
لو على الكُبر، فهو هيكبرني فعلًا بس مقامًا عند ربنا، وقرب منه، وهو دا هدفي.
عمتو/هيخنقك والا هتخرجي والا هتعرفي تأكلي في مطعم، والا تروحي فرح ليه كدا يابنتي عيشي سنك دلوقت.
أسماء بإبتسامه وتنهيدة/
ياست الكل لو ع الخنقه فأنا في نقابي هحس إني ملكة متوجه بنقابها، بعشقه وبحس بكياني وانا لبساه،
ولو ع الخروجات والإفراج والحاجات دي،
عمره ما هيمنعني طالما الخروجه كلها في إطار شرعي، يبقى مفيش مشكلة.
عمتو/ والحر والصيف والعرق...
أسماء/ خلااص ياعمتوو
قل إن جهنم أشد حرًا.
عمتو/ وهتلبسيه ازاي يا ست سمكة.
أسماء بضحك كتير /
على راسي كدهووه وضحكت
عمتو/ضحكت وقالت لأ مش مقتنعه.
أسماء /ياعمتو انا اللي هلبسوا مش أنت وضحك كتير بينهم.
عمتو/خايفه عليكي من الطريق التشدد ده.
أسماء/ عمر النقاب أو الخمار أو اللحيه أو تقصير الجلبيه او أي مظهر من مظاهر الدين مكانت تشدد دا أُسس الدين وسُنة عن الرسول ياعمتو ولازم نعمل دا.
ماما في فخر /الله أكبر على بنتي، عرفت أربي وأكبر ياولاد.
أسماء/الطريق طويل يا ماما ربنا يقدرني.
عمتو/خمارك طويل مش كفاية، لازم النقاب دا.
أسماء بفرح/نطول الخمار أكثر بإذن الله تحت النقاب، أما عن النقاب فمش زياده ولا حاجه
النقاب إذا كان فرضا فقد اطعت اللله ورسوله وإذا كان سنه فقد تشبهت بأمهات المؤمنين، وإذا كان فضل فقد أصبحت من أهل الفضل والحمد لله
**ورفعت أسماء يداها تشكر ربها على فضله ونعمته**
اللهم ادم علي نعمته وفضله وأن القيك به يوم القيامه.
ماما/آمين يابنتي، ربنا يهديكم كمان وكمان
أسماء/ النقاب بيريي والله بيريي جدًا، بيخليكي تتغيري فعلا بتتغيري360 درجة، معنى أنه بيخليك تتكسفي تعملي أي حاجه غلط، وفيه حاجات كتير أوي حرام، ومش بتليق بيه هتبطلييها خالص، أنا متاكده بإذن الله لما ألبسه هكون واحده جديده خالص، كفايه على شعور الستر، كفاية إني متشبه بأمهات المؤمنين، وربنا بفضل النقاب يجمعني بهم في جنة عرضها السموات والأرض.
عمتو/ طيب ياست أسماء فين دليلك من القرآن عليه، ليه تفرضيه ع نفسك.
أسماء بحب /
ربنا عز وجل قال في كتابه: "يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا"
الآيه مفسرة نفسها أهي ياعمتو.
عمتو/جزاك الله خير يا أسماء يابنتي، وربنا يراضيكي ويثبتك يارب، بس ممكن تكلميني شوية كمان عن جمال النقاب.
**أسماء بحب وانبهار حاضر ياعمتو**
النقاب تاج وقارٍ ولا ترتديه إلا الأقمار، ويزيدهُنَّ جمالًا على جمالهنَّ ياعمتو، وبعدين بابا أغلى وأعظم من أن يذوق عذابًا فـ الأخره بسبب ضيق ملابسى، او سُوء خُلقي، ياعمتو/خُلقنا للفضفاض وخُلق الفضفاض لـنا، والله ما زادنا الفضفاض إلا سترًا ونورًاوجمالًا.
ماما/أكيد صحباتك اللي شجعوكي على قرارك دا يا بنتي صح؟
أسماء بعزة وفخر/ الصديق الصالح دا أجمل نعمة ممكن الإنسان يفوز بيها، وأنا فُزت بيها الحمدلله، صحباتي كانوا داعم ليا في قراري الحمدلله.
ماما/ماشاءالله، ونعم الصحبة
عمتو/ الف مبروك يا أسماء، وربنا يثبتك، ويحفظلك صحباتك المُشجعات على طريق الحق
وطريق الله.
أسماء بضحك كتير/أحلى دعاء دا ياعمتو والا أيه من وقت ما اتكلمنا، أسماء بصوت حاني/
مفيش زي صحابي فعلا المُلهمات
**فالصديق خير مُعين**
**وهُنا تذكرت أسماء تلك الكلمات عن فضل الصديق الصالح في حياتنا
(ليس الصديق فقط من يجلس معك ، من يضحك معك ، من يأكل معك؛ الصديق هو الذي حين تُحادثه يرتفع رصيد إيمانك بحديثه ، الذي إذا جالسته صغُر شأن الدنيا في عينك وتعلّقت بالله .. من يشدّ بيدك إلى الخير ، من يقوّم اعوجاجك حين يراك تميل عن الطريق، من يُتمتم لك بالدعوات غيبًا في جنح الليل).
#اسكريبت_النقاب
#أسماء_إبراهيم(هُنهَ)
꧁꧁꧁꧂꧂꧂
أتمنىٰ أن يكون أعجبكم💙
لا تنسوا تعليق برأيكم فضلًا💙
دمتُم بخير أحبائي في الله💙
__________________
زورونا على قناة اليوتيوب 👇👇
https://youtube.com/channel/UC4JFhoLLZPQk8M97T4DMMmA
