#الجزء السادس عشر
شكراً ..
لان في حياتي أناس تجعلني
اضحك عندما لا اريد حتي ان ابتسم
★********************★
كارما : انا هاسافر عند ماما امريكا و مش هرجع تاني
مراد : انتي بتقولي اي يا كارما دا مستحيل
كارما بدموع : لا هيحصل انا هبعد عن الكل انا مش عايزه أذي حد تاني كفايه لحد كده انا هسا....
مراد حط إيدوا علي شفايف كارما
مراد : خلاص يا كارما انتي مش هتسافري لأن هنا في سما و ريم عايزينك معاهم ..... و انا كمان
كارما بصتلوه و هي بتعيط
كارما : بس انا مش بعمل حاجه غير اني بعملكوا مشاكل بس
مراد : مين قالك كده انتي بتعملي حاجات كتير حلوه علي فكره انتي مش بتعملي مشاكل اصلا اولا أنتي اللي جمعتي ما بين سما و خالد انتي اللي فكرتي في المفاجاه و انتي اللي شجعتي ريم علي انها تعترف بحبها و توافق علي سليم انتي بس محدش غيرك كارما احنا بنحبك و مش عايزينك تبعدي
كارما لسه هتتكلم الباب بتاع الغرفه اتفتح مره واحده و دخلت ريم
ريم بأندفاع : ايوه محدش فينا عايزك تمشي بطلي هبل احنا بنحبك
كارما و مراد بصولها و يوسف و سليم جم من وراها سليم و يوسف مسكوها من قفاها و يوسف قال
يوسف : هو انا مش قولت سيبيهم مع بعض شويه
سليم : انا اخدك علشان تبعدي عنهم تزقني قدام الكافتيريا كلها و تطلعي تجري
ريم بخوف مصتنع : ماهو انا مقدرتش بصراحه كنت عايزه اطمن عليها
سليم : عايزه تتطمني عليها تروحي توقفي تتصنتي عليهم
ريم باستنكار : والله ابدا انا بس كنت هفتح الباب لقيتهم بيتكلموا فا قولت استني شويه و كمان هم اللي كان صوتهم عالي انا مليش دعوه
يوسف و سليم : ونبي
ريم : اه ونبي
( كملت و هي بتبص لكارما و مراد و بتمثل العياط )
شوفتوا ظلموني يا باشا
كارما ضحكت من كل قلبها و مراد ضحك معاها
ريم : طب بذمتكوا في ضحكه بجمال دا
قالتها و هي بتشاور علي مراد و كارما
ضحكوا كلهم عليها
كارما : تعالي يا ريم
و فتحت دراعتها علشان ريم تحضنها و بالفعل ريم اول ما كارما قالت كده جريت علي حضنها و اتشبثت فيه
ريم : حبيبتي انتي كويسه
كارما : اه يا قلبي متخفيش
سليم : اي دا في اي اي التحول دا
كلهم ضحكوا عليه
كارما : يوسف انا هامشي امته مش عايزه اقعد في المستشفي
يوسف : هروح اعملك الإجراءات اللازمة و هتمشي حالتك مش محتاجه قعدتك في المستشفي
كارما : شكرا يا يوسف معلش بتعبك معايا
يوسف : بطلي هبل انتي اختي
ضحك معاها و مشي يروح يعملها الإجراءات علشان تقدر تمشي قعدوا شويه يضحكوا لحد ما يوسف جه
يوسف : تقدري تمشي دلوقتي ثواني بس هروح اقلع البالتوا و اجيب مفاتيح العربيه علشان اوصلك
مراد : لا عادي يا يوسف أنا في حد تبعي جبلي عربيه علي هنا احنا هنوصلهم و انتا كمل شغلك عادي و شكرا تاني ليك
يوسف : تمام ماشي لما توصلوا طمننوني و علي فكره انا لسه معرفش اي اللي حصل و مين كانت الرجاله اللي كانت بتضرب نار دي
كارما : انا هبقا افهمك كل حاجه بعدين
يوسف : ماشي حمدالله علي سلمتك يا حبيبتي
كارما : الله يسلمك
مراد بدأ يسند كارما علشان تقوم من علي السرير علشان لو داخت أو حاجه
كارما : والله انا كويسه يا مراد متخفش
مراد : لا اخاف طبعا يلا سندي عليا بس
كارما استسلمت و سندت عليه و بالفعل اول ما قامت داخت و كانت هتقع بس مراد كان مسكها
ريم : اهو شوفتي دوختي كان عندوا حق
كارما ضحكت و مشيوا كلهم نزلوا ركبوا العربيه و راحوا بيت ريم و اول ما دخلوا سما اول ما شافتهم
جريت عليهم و هي قلقانه و اول ما احمد و سلمي (أهل ريم و سما) و خالد لقوا سما جريت بيبصوا لقوا مراد مسند كارما اتخضوا و راحلهم علي طول
سما بقلق : كارما انتي كويسه مالك و ليه مراد مسندك كده و كمان اي مكان الكانوله اللي في ايدك دي
كارما لسه هتتلكم لقت احمد و سلمي و خالد قاعدين يسالوها مالك اي اللي تعبك و من الكلام دا
كارما بزعيق : باااااااااس خلاص
كملت بهدوء : انا كويسه متخفوش انا كويسه دا شويه تعب مش اكتر من التوتر و إجهاد متقلقوش بقا انا مرهقه و عايزه اقعد ممكن اقعد ولا في اسأله تاني
سما و احمد و سلمي و خالد : لا
سما : تعالي ارتاحي
مراد قعد كارما علي الكرسي و كلهم قاعدوا
كارما : من غير ما تبدوا اسأله تاني انا هقول كل دا
كل الموضوع اني و انا راحه الدرس تبعت علشان مكنتش باكل اخر فتره كتير و غير اني من كتر المذاكره و التوتر و الخوف أهملت نفسي علشان كده اغمي عليا و انا رايحه الدرس مش اكتر صح يا مراد مش دا اللي حصل يا ريم ها يا سليم
مراد و سليم و ريم : اه والله هو دا اللي حصل
سما بشك : اه ماشي
احمد بحنان : كارما انتي هتقعدي معانا هنا علشان البنات تاخد بالها منك انتي ابوكي كده كده مسافر امريكا شهر
كارما ابتسمت لما عرفت انو مسافر امريكا
كارما بتسأل : ليه مسافر امريكا
احمد بتوتر : ها ..
كارما بخبث : ها اي يا بابا
احمد باندفاع : اصل في مشكله في الشركه اللي في امريكا
كارما بابتسامه : اه قولتلي
قعدوا يتكلموا شويه و بعد كده مراد و سليم و خالد مشيوا و البنات طلعوا يتكلموا فوق براحتهم
في اوضه كارما
سما : ها بقا اي اللي حصل
كارما و ريم بخوف : هنقولك علي كل حاجه بس من غير زعيق
سما : حاضر
كارما وريم حكولها كل حاجه
سما بصدمه : نهاره اسود و مش معدي اي البجاحه اللي فيها دي ازاي يتجرأ و يقول الكلام دا قال اي عايز يتجوزك يا بجحتك يا اخي
ريم : بس متفكرنيش دا انا كنت ناويه اروح اقتله
كارما فضلت تبصلهم و هم بيتكلموا عليها و علي أنهم عايزين ياخدوا حقها من حازم إنشاءالله لو بالقتل
✨Karma pov✨
ياااه انا بجد مكنتش متخيله أنهم بيحبوني كده انا بشكر ربنا جدا انو ادني اتنين بيحبوني كده قد اي هم عايزين ياخدوا بالهم مني و من صحتي حتي لو علي حساب نفسهم انا بجد بحبهم و نفسي أفضل معاهم علي طول و مسافرش بس اعمل اي انا لو قعدت هنا هموت من اللي بيحصل عايزه ابعد عن كل الناس مش عايزه آذي حد كفايه لحد كده و مش عايزه اتعبهم معايا من ساعت ما بابا و ماما انفصلوا و هم واخدين بالهم مني كفايه كده انا لازم اول ما السنه دي تخلص اسافر
✨End pov✨
سما و ريم بصوا علي كارما لقو باين علي ملامحها الحزن
ريم بقلق : مالك يا حبيبتي زعلانه ليه
سما بقلق : في اي يا كارما
كارما بابتسامه : مفيش يا حبايبي كل الموضوع اني قلقانه شويه
سما : ماشي يا حبيبتي صح قولولي ازاي ريم و مراد و سليم وافقكوا علي كلامك علي طول
كارما بضحك : كل الموضوع
✨The past✨
كارما و مراد و ريم و سليم في العربيه قدام الڤيلا
كارما : ممكن اطلب طلب
مراد و ريم و سليم : اه طبعا
كارما : ممكن محدش يقولهم جوه علي اللي حصل مش عايزاهم يقلقوا
ريم : بس
كارما : معلش انا عارفه اني هخليكم تكدبوا بس انا اسفه مش عايزاهم يقلقوا أما هقولهم انو شويه إرهاق و توتر من المذاكره بس مش اكتر ممكن توافقوا علي طلبي
مراد : تمام ماشي
ريم و سليم : ماشي يا كارما
كارما : شكرا
✨The present✨
سما : بقتي بتكدبي كتير يا كارما مشاكل اللي في قلبك خليتك تخترعي حجج كل شويه و تكدبي و تقولي إرهاق و مش إرهاق
كارما بحزن : اعمل اي يا سما مش عايزه حد يدايق و كمان انا قولت ليوسف اني هاخد الادويه بتاعتي بانتظام لحد ما اقولهم كلهم و اعمل العمليه و اخرج بسلامه يا رب
ريم و سما : يا رب
★****************★
علي الناحيه التانيه
شخص 1: لازم تخرجني من هنا يا كاميليا انا مش هقدر اقعد هنا كتير انا كارما وحشتني
كاميليا : انتا اتجننت يا إسلام انا بحاول اخرجك من هنا و انتا قاعد تفكر في زفته هانم دي
إسلام : بحبها يا كاميليا انا مش عارف عملت في نفسي كده ليه يا ريتني ما حبتها ولا شوفتها اصلا
كاميليا بحنان : معلش فتره و هتعدي و انا هحاول اخرجك من هنا متقلقش لولا الحوجه انا عمري ما كنت اعمل فيك أو في نفسي كده ربنا يبعد اللي ما يتسما عننا يا رب
★************★
ليه ادهم سافر امريكا ؟؟؟
هل سافر علشان مروه فعلا زي ما كارما فاكره ؟؟؟
مين اللي كاميليا كانت بتتكلم عنو في الاخر ؟؟؟
꧁꧁꧁꧂꧂꧂
أتمنىٰ أن يكون أعجبكم💙
لا تنسوا تعليق برأيكم فضلًا💙
دمتُم بخير أحبائي في الله💙
__________________
زورونا على قناة اليوتيوب 👇👇
https://youtube.com/channel/UC4JFhoLLZPQk8M97T4DMMmA
