بعنوان :الصداقة كما يجب أن تكون
- جميلةة الدُنيآا وأنا جمبك ي أطيب رُكنْ ف الزحمةة (("
نشرتها على الاستوري بتاعت الواتس ودخلت نمت عادي وقولت لنفسي هي اكيد عارفة ان الكلام عليها وإني اقصدها هي بالكلام دا؛ رنا هي صاحبة عمري ودايمًا معايا في المرة قبل الحلوة رنا هي وطني ودايمًا بقولها كدا.
صحيت تاني يوم الساعة ٩ وكالعادة اول حاجة عملتها مسكت الفون وفتحت الواتس لقيت رسالة من رنا بتقول:
_صباح الخير يا حور
=صباح الفل والياسمين ع عيونك الجميلة ي جميلة
_اخبارك ايه طمنيني عليكي النهاردة
=بخير الحمد لله وانتي اخبارك
_دايما ي رب انا بخير الحمد لله
=ليا وليكي ي رب
_بقولك!
=أمم
_وحشاني اووي والله العظيم
=وانتِ والله وحشاني جدًا بس هنعمل أي
_نصيب
=الحمدلله
_الحمدلله
وفضلنا نتكلم ونجيب سيرة الناس حقيقي ربنا يسامحنا..
__________________________
=رنا!
_أي
=انا مخنوقة
_من أي
=معرفش أنا قلبي واجعني وعاوزة اعيط اعيط اووي اعيط كتير
_طب اهدي وعشان خاطري ماتعيطيش قومي اتوضي وصلى ركعتين كدا وتعالى احكيلي اي اللي مزعلك
=حاضر
علاقتنا مريحة وهادية بنسند بعض لما واحدة مننا تميل تلاقي كتف صاحبتها ساندها احنا أقرب اتنين لبعض رغم المسافات والسن يعني انا اكبر من رنا بسنه وشهور دا في العمر لكن في الدراسة بينا سنتين دا غير أننا اصلا اي نعم قرايب بس هي في مكان وانا في مكان بينا مسافات وطبعا عشان نتقابل بنحتاج نخطط ونجهز ونفكر قبل اليوم دا بأسبوع أو اكتر حقيقي تبًا للمسافات.
_______________________
_حور الحقيني
=اي في اي
_غادة
=مالها؟!
_نازلة مصر أخيرًا
=بجد! توصل بالسلامة
وكملنا كلامنا عادي وعدى اليوم اي نعم كنت مبسوطة انها هتقابل صاحبتها وفرحت لفرحتها بس كنت متضايقة شوية لاني كنت خايفة لتشغل رنا عني بس الحمدلله محصلش الكلام دا.
___________________
=رنا بصي انا خايفة أن لما الدراسة تبدأ كل واحدة فينا تنشغل ونزعل من بعض عشان مش بنسأل على بعض رغم أنه هيكون غصب عننا بس انا خايفة خايفة تزعلي ميني لو ماكلمتكيش ونبعد بعد الشر يعني ربنا يستر
_اتمنى انا جمبك ومستحيل دا يحصل لأن احنا اخوات ماتخافيش
رنا كفيلة بكلامها تطمني انها مش زيهم وأنا واثقة انها فعلا مش زيهم هي دايما لما بتقولي انا جمبك بتبقى بجد جمبي دايما بتدعمني وبتشجعني والحمدلله لما بتشوفي بعمل شيء غلط بتنصحني وانا بتقبل النصيحة بتاعتها وهي كذلك الشيء لو في شيء غلط هي بتعمله بقولها وبنصحها وبتاخد النصيحة بوجه رَحِب وتعمل بيها ودي احسن حاجة مفرحاني اننا بنعين بعض علي طاعة ربنا وأننا مانغضبهوش بجد انا فخورة بأنها صاحبتي ودايمًا بدعي ربنا اننا نفضل كدا واكتر كمان على طول وفي كل لحظة بدعي ربنا فيها وانا كلي يقين فيه وفي وجودها جمبي انا حقيقي بحبها.
________________
_وجودك جنبي شيئ فارق
أمانة ياصاحبي ما تفارق ..
=مقدرش أصلًا ابعد عنك دا انتي أختي
_أختي ونصي التاني
_________________
=رنوش!
_ايوة
=بحبك
_وانا كمان بحبك والله العظيم يديمك ليا
=يا رب و يديمك ليا
-جميلةة الدُنيآا وأنا جمبك ي أطيب رُكنْ ف الزحمةة (("
_________________________
اختار الصاحب اللي يبقى معاك في كل أوقاتك وكل حالات
الصاحب اللي مايقدر على زعلك الصاحب اللي مايهونش عليه تزعلو من بعض خمس دقايق الصاحب اللي بيركن اي حاجة على جمب ومايفكرش الغلط على مين هو أهم حاجة عنده أن الخصام مايطولش لو عندك الصاحب اللي زي صاحبتي دي امسك فيه بكل قوتك لأنه نعمة وزي ما هو نعمة بالنسبالك انت نعمة بالنسباله ربنا يديم كل صاحب لصاحبه ويبعد عنهم اي عين.
______________
وأنت معدي ماتنساش تدعيلي أنا وصحبتي هكون ممتنة
_________
#وفية_العربي
#صاحبة_القلم
#حكايات_صاحبة_القلم
_اهداء لرفيقة عمري ملك ادامها الله لي فإني واللهِ أحبها فوق حب المحبين حبًا.
