الرسامة غرام محمد، ابنة محافظة الجيزة، نموذج يفتخر بيه الكثير، فتاة تبلغ من العُمر سبعة عشر عامًا، بالرغم من صغر سنها إلا أنها متعمقة جدًا في موهبتها كرسامة، سبق ظهورها في إحدىٰ البرامج التليفزيونيه، كما أن في بداية طريقها الفني واجهتها العديد من العقبات التي قد تُعيق نجاحها، ولكن كونها كشخصية واثقة من ذاتها لم تترك الآخرون يسلبوا منها أحلامها، وأصرت على الاستكمال ولم تهتم لحديثهم قط.
*******************************
١-الأسم/ غرام محمد عدلى
٢-السن/١٧ سنة
٣-المحافظة/الجيزة
٣-لو لم تكن غرام رسامة ماذا ستكون؟
مدربه سباحه ..بفضل الله ( معايا كارنيه إنقاذ وإعداد معلم )
٤-مين أكتشف موهبتك، ومن أكثر شخص كان يُدعمكِ؟
ماما هى ال اكتشف الموهبه ..واكتر ناس بيدعمونى ماما وبابا ثم اخواتى واصدقائي
٥-لكُلٌ منا يُقابلهُ إنتقادات من البعض أثناء طريقه للنجاح، ما هي الإنتقادات التي وجهت لكِ؟ وماذا كانت ردة فعلك على ذلك؟
معظم الناس كانت بتقولى اي آخره الرسم ده ..هيوصلك ل اي يعنى ..ده تضيع وقت ..مش هتعرفي ترسمى أشخاص ..محدش هيعجبه الهبل ده..القناه مش هتنجح محدش بيهتم ب الرسم .....الخ..
رد فعلى ..حقيقي مكنش بيفرق معايا كلامهم اوي لانى كنت مقتنعه اوي ب ال أنا بعمله وكلامهم ده إداني دافع اشتغل على نفسي اكتر واثبتلهم انى قد ده وان اثبت وجودي وبالفعل بدأت اعمل كدا واثبتلهم عكس ال ببقولوه ..القناه الحمد لله نجحت ..وبقيت بحضر معارض وبقيت برسم كويس جدا واتطورت جدا وبدأت احقق جزء من حلمى
٦-الأعمال تعكس وجهة نظر أصحابها، هل عبرت عنكِ أعمالك؟
كل رسمه برسمها بتبقا ليها فكره ووجهه نظر ...الرسم ال برسمه مش مجرد رسمه وخلاص ..بل هى رساله
٧-هل يُعد الرسم تحررًا للرسام أم هو سجن داخل اللوحة من وجهة نظرك كفنانة؟
الرسم تحررا طبعا ..كل فنان بيعبر عن أحاسيسه ومشاعره ووجهه نظره الخاصه وأفكاره
٨-كُلّ منا في مرحلة الطفولة له حلمٌ خاص، ماذا كان حلم الفنانة غرام؟
لما كنت بشوف الفنانين بترسم كان حلمى ابقي زيهم واوصل لنفس الدقه والإبداع وفنى يوصل للعالم وده حلم طبعا وباذن الله هيبقي حقيقه
٩-من شجعكِ على الرسم داخل أُسرتك، وهل عائلتكِ بها رسامين غيرك؟
مامتى، لا أنا الوحيده اللي برسم في العيله
١٠-هل يُمكن للفن المعاصر إلغاء الفن الكلاسيكي التقليدي أو الإغطاء عليه من وجهة نظرك كفنانة؟
مظنش ده يحصل ...لأن تراثنا وتاريخنا هم أساس الفن
١١-من ضمن الأشياء التي قُمتي برسمها، هل أهديتي إحداها؟ ومن أول من أهديتيه؟
اه اكيد ..كتيرر جدا ...
القائده بتاعتى في الكشافه
١٢-ماذا كانت تُعني أول رسمة قُمتي برسمها؟
كانت للشيخ الشعراوي ..رجل انتقل الى رحمه الله ولكن ترك بصمته ف قلوبنا وساب اثر في قلوب العالم وعلمه يتوارثه الأجيال
١٣-هل أحببتي الرسم حقًا، أم فقط لمزاولته كونه تَخصص؟
الرسم بالنسبالى هوايه وحاجه جميله جدا بحبها اوي ..انا تالته ثانوي ف مش بدرسه أو متخصصه بحاجه تخص الفن
١٤-هل كان هُناك عائقًا في طريقك الفني؟ وإن كانت الإجابة بنعم، ما هو العائق وكيف تغلبتي عليه؟
الحمد لله مفيش عوائق قبلتنى لانى دايما عندي دافع وهدف ولما ببقي عايزه اعمل حاجه بعملها ..ربنا موجود معايا دائما و الحمد لله ميسرلي حالى
١٥-ما هي خططك القادمة كرسامة؟
امثل بلدي بفني أمام العالم واكون فنانه مشهوره رسوماتها بتقدم معنى وفكره تعجب الناس
١٦-في رأيك ما هو نوع الدعم الذي يحتاجه الرسام؟
دعم معنوي وتشجعيع وان الي حواليك يكونو مأمنين بالاعمال الفنيه ال بتعملها وعلطول جنبك يدوك positive energy
١٧-هل سبق ظهورك في إحدي البرامج التلفزيونية من قبل؟
اه الحمد لله ..حلقه في برنامج بالالوان على قناه النيل الثقافيه ..وفي كذا قناه كنت مصوره مع مخرجين تبع معارض ال اشتركت فيها
١٨-كلمتكِ الأخيرة.... مسك الختام
الأعمال تقاس بالاستنتاج وهذا الاستنتاج يوصف العمل الدؤوب والاجتهاد وأنت واصلت جهودك ومثابرتك حتى اللحظة الأخيرة وحققت ذلك الإنجاز المبارك والهائل..لازم نتعب ونشتغل على نفسنا ونجيب اخرنا ...ربنا لما يلاقينا خلاص جيبنا اخرنا ..هيدينا آخره ..وربنا سبحانه وتعالى معندوش اخر ..
فلازم نعمل الي علينا ونسيب الباقي على ربنا
꧁꧁꧁꧂꧂꧂
💜💜💜💜💜💜💜💜💜
ردحذف