كذبة دمرتني"
-أيه إلى في أيدك ده؟!
=دا دا .....دا التليفون
-أقصد إلى في أيدك التانية
=مفيش حاجة
-أومال مخبياها وراكي ليه؟
=بسرعة رميت الصورة ورايا.... أهو يا ماما مفيش حاجة
-تمام أدخلي بقه غيري هدومك، وصلي العصر، وتعالي عشان نجهز العشاء
=حاضر يا ماما، دخلت المطبخ من هنا، وبسرعة أخذت الصورة ودخلت أوضتي خبيتها
___________
=صباح الخير يا ماما
-صباح الجمال يا سهى
=ماما كنت عاوزة أطلب منك طلب صغير قد كدا
-قولي يا قلب ماما، خير
=عاوزه أروح عند سارة اقعد معاها شويه، بقالي كتير مشفتهاش، وحشتني والله
-سهى احنا أتكلمنا في الموضوع ده كتير! وقلتلك تنسي إنك تروحي عند سارة تاني
=ونبي يا ماما
-سهى لو سمحتي، متكلميش في الموضوع ده تاني.
=ماما طب هنتقابل بره البيت، وهنروح كافيه، وبكدا أنا مش هقابل مامتها خالص، وبعدين أنتي قلقانه من مامتها قوي كدا ليه، دى باين عليها ست طيبة والله
-طيبة!!!
-أسكتي يا سهى، أنتِ أصلك متعرفيش الست دي، وقد أي قلبها جحيم من جوه، هي إلى دخلت باباكي السجن، دي ست شريرة قوي، حقيقي يااااااااااه على قساوة قلبها.
=بس يا ماما ساره قالت إن بابا دخل السجن، لأن كان متورط في وصلات أمانة
-ما هي مامتها إلى مورطاه
=نعم، معقول يكون هي إلى ورا كل البلاوي دي، حقيقي الواحد مياخدش بالمظاهر أبداً يا ماما، أنا كنت شيفاها ست كويسه قوي، يمكن دا عشان ولا عمرها زعلتني، ولا عمري شفت منها موقف وحش.
-بتبان إنها ست طيبة لكن في الحقيقه قاسية قوي قوي، عشان كدا عوزاكي تاخدي بالك من نفسك
=حاضر يا ماما متقلقيش عليا، بس ونبي سيبيني هقابل سارة في الكافية الي جمب البيت مش هروح مكان بعيد
-ماشي يا سهى بس متتأخريش
___________
-ماله القمر سرحان في أي؟
= سارة اتأخرتي ليه دا كله أنا هنا من بدري.
-حبيبتي والله ماما مكنتش موافقه أخرج واقنعتها بالعافية
=أنتِ كمان أنا برضو ماما مكنتش موافقه، المهم هنعمل أيه في موضوع بابا.
-والله يا سهى أنا طول الليل بفكر، في فكرة بس مش عارفه هتنجح ولا هنتقغش.
=قولي يا ستي لما نشوف أفكارك إلى هتودينا في داهيه دي.
-بصي احنا كل واحده فينا تقول لمِامتها إن احنا هنخرج في رحله تبع كليتنا، وبعدين نتفق ونتقابِل عند المحطه الساعه ٦ الصبح وتبقى كدا المشكله أتحلت ونقدر نروح زيارة لبابا.
=انتي بتهزري يا سارة!، أنتِ عوزاني اكدب على ماما
-أنتِ شايفة في حل تاني غير دا؟
=أنا مش عارفه بس مش هعرف اكدب على ماما في حاجة زي دي.
-مفيش حل تاني يا سهى لازم نعمل كدا.
=خلاص ماشي هقولها كدا وربنا يستر ومتعرفش أني خبيت عليها حاجه زي كدا
-هتعرف منين يعني محدش عارف بالموضوع غير أنا وأنتِ، أكيد مش هروح أنا أقولها يعني.
=طب كدا المفروض الزيارة يوم الأربعاء صح
-أه أن شاء الله
= طب يلى يا سارة لازم أمشي عشان ماما قالتلي متتأخريش.
-أي يا بنتي دا احنا مبقلناش ربع ساعة
=معلش عشان متزعقش وكمان هعمل لماما الفطار عشان هي صايمة انهاردة، أنتِ عارفه ماما لازم تصوم الأتنين والخميس.
-ماشي يا سهى باي الساعة ٦يوم الاربعاء متنسيش هااا
=حاضر باي
______________
=ماما يا روح قلبي، عندي ليكي خبر هيفرحك
-خير يا سهى قولي.
=في رحلة تبع الكلية وزمايلي كلهم رايحين وأنا كمان عاوزه أروح.
-وهو دا خبر هيفرحني!
=يا ماما ما هو خبر فرحني فقلت انك أكيد هتفرحي لما تشوفيني فرحانه وبعدين خبر وحش في أي؟، يوه بقه يا ماما عاوزه أروح مره مع زمايلي.
-أنتِ عارفه يا سهى إني مبحبكيش تبعدي عني.
=عارفه يا ماما وأنا كمان والله مش بحب كدا، بس دا يوم واحد بس مع زمايلي، أنتِ عارفه أن اخر مره طلعت فيها رحله كان من ٤سنين ومن وقتها مخرجتش ولا رحلة مع زمايلي.
-خلاص يا سهى روحي، مبسوطة كدا
=حبيبتى يا ماما والله، ربنا يخليكي ليا يا أحلى ماما في الدنيا.
___________
=ألو يا سارة، أخبارك عاملة أي؟
-حبيبتي الحمد لله بخير أنتِ أخبارك
=الحمد لله
-هااااعملتي أي مع مامتك قولتيلها ولا لسه
=اه قلتلها ووافقت الحمد لله، كنت خايفه لترفض والله، وأنتِ عملتي أي؟
-الحمد لله وافقت برضو بس بطلوع الروح
=ههههههههههه
-بتضحكي على أي يا بتاعه، يا مستفزة.
=أصل كُنت مفكره أن ماما الوحيدة إلى بتزهقني كدا.
-ههههههه لا يا بتاعه، مش لوحدك اطمني.
=طب استأذن أنا بقه باي عاوزة حاجة؟
-سلامتك يا روحي باي.
=ماما!!، أنتِ لسه منمتيش؟!
-لا كنت نسيت أخد العلاج قبل النوم، كنتِ بتكلمي مين؟
=دا دا ....
-مالك يا بت مين؟
=أه يا ماما دي زميلتي في الجامعة، كنت بقولها إنك وافقتي اروح معاها الرحلة .
-طب مش هتنامي دلوقت ولا أي؟
=لا يا ماما هنام أهو...تصبحي على خير يا ماما
-حبيبتي وأنتِ من أهل الخير يا رب.
____________
-سهى تليفونك بيرن تعالي خُديه
=حاضر، ألو
-ألو يا سهى، متنسيش تجيبي معاكي البطاقة، لأن مش هيدخلونا السجن من غيرها
=ماشي يا سارة أن شاء الله هجيبها، كويس إنك قلتيلي، مكنش في بالي خالص حاجه زي كدا
- الحمد لله إني رنيت وإلا كُنا هنضطر نرجع تاني.
=تمام يا سارة أن شاء الله الساعة ٦بالظبط نتقابل بكرا....باي
-باي
________
-أي دا إلى هتخديه معاكي بكرا
=دول طالبين مننا بكرا في الرحله كارنيه الجامعة عشان يتأكدوا أن احنا تبع الكليه.
-أه طب أوعي تنسيه بقى، حطيه من دلوقت في الشنطة
=صح معاكي حق احطه من دلوقت عشان منساش
-جهزي حاجتك دلوقت بالمرة، شوفي لو هتاخدي أكل أي معاكي واعمليه.
=حاجة أي يا ماما، أنا مش هاخد حاجه معايا غير شنطتي بس، هبقى اشتري أكل لو جُعت.
-ماشي على راحتك، المهم نسيت أقولك بكرا أنا كمان مش هبقى في البيت فخدي معاكي نسخة مفتاح عشان لو رجعتي قبلي يبقى معاكي.
=ليه يا ماما هتروحي فين؟
-مشوار ضروري لازم أروحه
=تمام ماشي، هاخد نسخة حاضر.
__________
صحيت وأنا مبسوطة جدًا، على وجهي ابتسامة جميلة بقالي كتير مبتسمتش كدا من قلبي، وفي نفس الوقت كُنت زعلانة لأن معرفتش ماما حاجة زي دي.
-أي يا بنتي اتأخرتي كدا ليه، بقالي نص ساعه واقفة
=معلش يا سارة والله مسافة الطريق
-المهم إنك جيتي ومتأخرتيش عن كدا وإلا القطر كان هيفوتنا
=الحمد لله، حصل خير
___________
=وحشتني قوي يا بابا، عامل أي والله البيت من غيرك وحش جدًا
..الحمد لله يا روح بابا أنتِ عامله أي ومامتك عامله أي، وأنتِ يا سارة عامله أي يا حبيبتي.
-الحمد لله يا بابا، المهم أنتَ أخبارك أي؟
.. والله يا بنات القاعدة هنا وحشه قوي، بس خلاص هانت كلها شهور وأخرج من هنا.
=يا رب يا بابا يا رب....أن شاء الله تخرج والحياة ترجع تاني زي الأول.
~سُهى!!!!
=مين ماما!!
~أنتِ مش قلتي هتروحي رحلة انهاردة!
=ما هو يا ماما ......ما هو...
~ما هو أي؟،أنتِ سهى الى تعبت في تربيتها، ٢١ سنة بعلم وبربي فيكي عشان تيجي في الأخر تكذبي عليا في حاجة زي دي، ومقلتيش ليه يا سهى؟
=ماما ما هو أنا لو قلت .....
~متقوليش ماما دي خالص، أنتِ مش بنتي، قلبي وربي غضبانين عليكي ليوم الدين.
=ماما ... ماما ....استني
مشيت وسابتني، وهنا حسيت إني وحيدة بجد، بابا في السجن، وماما زعلانة مني، حتى سارة معدتش بتكلمني زي الأول.
تمُر الأيام سريعة، ٣شهور وأنا على الحال ده، كُل ما احاول اكلم ماما مش بترد عليا، تعبت من روتين يومي، أما بقرأ في رواياتي المفضله أو ماسكه الصورة إلي كُنت وخداها من سارة من فترة، بحث براحة أكتر لما اتعمق بنظري في الصورة، بحث إن اه هم مش موجودين معايا في الواقع بس معايا في بخيالي.
في يوم راجعة من كليتي كالعادة، لقيت واحد بيبيع ورد جميل قوي، قررت اخذ منه لماما، كان الباب مفتوح، استغربت وقلت أكيد في ضيف عندنا، دخلت البيت وأنا فرحانة قوي، وقلت أكيد ماما هتفرح وهتكلمني بعدها، لأن عارفة أن ماما بتحب نوع الورد ده جدًا.
"ماماااااااااااااا" قلت كدا بصويت جامد قوي بعد ما شفت ماما مرميه على الأرض والدماء تحتل المكان، على صوت صريخي، الجيران كلهم جُم البيت، وحاولوا أن يفيقوها ولكن......
أمي ماتت، ماتت وهي زعلانه مني، ليه يا أمي سيبتيني لوحدي؟،سيبتيني لمين يا أمي..سيبتيني ليه وأنتِ عارفة أني من غيرك مسواش، ما أنتِ عارفه الِ فيّ، مش أنتِ إلى كنتي بتقولي متقدريش تبعدي عني، ليه يا أمي سيبتيني؟
بقلمي/ندى السرساوي
꧁꧁꧁꧁꧂꧂꧂꧂
